Hestaferðin 7-10 júní

Hina árlega kjósarreið Karlakórs Kjalnesinga verður dagana 7-10 júní. Gróf dagskrá er eftirfarandi:

• Fimmtudagur 7. júní: Miðað er við að menn komi héðan og þaðan í Varmadal um kl. 19. Þaðan verði lagt af stað um kl. 20 og riðið í Brautarholt.
• Föstudagur 8. júní: Lagt af stað frá Brautarholti um kl. 16. Riðin hefðbundin leið upp í Kjós og endað á Hjalla um kl. (ja, hvað veit maður, stundum um miðnætti, stundum heldur seinna)
• Laugardagur 9. júní: Lagt af stað í stuttan fjölskyldureiðtúr um kl. 13. Leikir og skemmtun fyrir börn og fullorðna að Hjalla, endað á grilli.
• Sunnudagur 10. júní. Þeir sem enn eru með hross á Hjalla, ríða heim á leið. Lagt af stað um kl. 13.

Eins og sjá má er þetta gróf dagskrá. Þeir sem hafa hugmyndir sem gætu auðgað hana er bent á að leggja orð í belg.

Athugasemdir

[Tobbi (IP-tala skráð) 2.6.2007 kl. 23:36]

Sælir karlar, konur og aðrir velunnarar.

Varðandi hestaferðina næstu helgi þá hlökkum við Brautarholtsfólk til að taka á móti ykkur á fimmtudagskvöldið í hesthúsinu hér hjá okkur.  Það er klárt að það er nóg pláss í haganum hjá okkur ef menn eru að spá eitthvað í það mál. 

Við Gvendur Sturlu ætlum að fara í leiðangur á föstudagsmorguninn og kanna með leið frá Arnarhamri yfir í Ártúnslandið/Bakka með það í  huga að sleppa við brúnna yfir Blikdalsá og meiri reið meðfram Vesturlandsveginum, það mál verður skoðað.

Einnig sting ég upp á því að íþróttaleikum verði framhaldið, Gufunesleikunum ( kúluvarp og kringslukast ) Gulli verður að taka til græjurnar.  EInnig finnst mér reipitogið vera ómissandi sem og fótboltinn þar sem við getum blandað börnunum með okkur.

 Varðandi söng næsta ár þá sting ég upp á því að stjórnin ræði við Bubba Morthens - tek það að mér ef enginn annar þorir :) og fáum hann til að syngja með okkur sálmana sem hann samdi og ætlaði að flytja í Reynivallakirkju á kirkjudaginn sl. haust en gat ekki sökum krankleika og fékk okkur til að leysa sig af.  Það væri snjallt ef af yrði að syngja með honum konsert/konserta í Kjósinni og hér á Kjalarnesi.

Sjáum á fimmtudagskvöldið.

Tobbi

[Keistinn (IP-tala skráð) 6.6.2007 kl. 13:27]

Það er búið að redda gúllassúpu sem við fáum þegar við komum að Hjalla á föstudag 1000 kall á mann

  kv Kiddi