Galli að sjá ekki síðustu færslur

Svolítið slæmt fyrir mýfluguminni að hafa ekki síðustu færslur til hliðar eða neðan/ofan - máls  og ef ég fer inn í færslulista og fletti þar og svo til baka, þá er horfið það sem ég var búinn að skrifa. nema muna að vista uppkastið - svolítið stúss 

Palli 

Blogg & Berlín

Sælir félagar,

Ég mæli með að þið talið við börnin eða barnabörnin og látið þau kenna ykkur á bloggið,  Því flestir unglingar nota þetta daglega og fyrir þeim er þetta eins og tala í síma.

En varðandi Berlínarferðina þá eru enn laus um 30 sæti , og meldingar eru smá saman að mjatlast inn. Það styttist óðum í að við þurfum að staðfesta fjöldann, bóka flug og hótel, og vil ég því aftur minna menn á að tilkynna hvort þeir ætla að koma með eða ekki því tíminn líður hratt þessa dagana.

Jólakveðja!

Kristjan


.

 

 

Bloggsíðan ekki nógu notendavæn

Sæli Tobbi, Kristján og Helgi. 

Mér sýnist þið vera einu mennirnir sem kunnið almennilega á bloggið.  Ég var núna til dæmis nokkurn tíma að finn "SKRIFA FÆRSLU" Þetta á að vera mun aðgengilegra þegar maður er búinn að setja inn leyninafnið. Ég mundi henda út fullt af letri sem er út um allt á síðunni og ruglar þá sem hafa það ekki að atvinnu sinni að horfa á tölvuskjá.

Varðandi framhald á söng þá er næsta verkefni jólamessan í Brautarholtskirkju kl. 5 og við ætlum að mæta kl. 4,15 tilbúnir að renna yfir hana og hita aðeins raddböndin.  Meira held ég að sé ekki á þessu ári nema eitthvað nýtt komi upp.

Þessi mynd frá söng kórsins á Hrafnistu í Reykjavík er skemmtileg og frábært ef menn senda inn á netið hvað kórinn er að gera og tala nú ekki um ef það er eins fallegt eins og að syngja fyrir gamla fólkið.  Við fórum á fjórar stofnanir þennan dag  - byrjuðum sem 25 manna kór - síðan 21 eins og myndin sýnir og á síðasta staðnum vorum við 3faldur kvartet.  Gylfi stóð sig eins og hetja og var fyrir rest einn með allan annan bassa og fór létt með.  Fékk smá dreitil á síðasta staðnum sem reyndist vera áttræðisafmæli hjá mætum vini Gylfa.

Núna var ég að leita að textanu "SENDA" og eftir vandlegan lestur skilst mér að vista og birta þýði einfaldlega að þetta fari inn á bloggið.  Það þarf allavega að þjálfa sig í notkun á blogginu.

JÓLAKVEÐJUR TIL YKKAR ALLRA OG HITTUM HRESSIR OG KÁTIR Á NÝJÁRINU.

Palli

Mynd af maraþon-jólatónleikum okkar

Sælir og takk fyrir síðast, okkur bárust nokkrar myndir sem voru teknar á Hrafnistu á sunnudaginn. En þetta var skemmtilegur dagur og ekki slæmt að enda maraþonið á stórafmæli með kökum, kampavíni og tilheyrandi.

Kveðja,

Kristjan :)

Jólasöngur

Sælir, veit einhver eitthvað með jólasöng, æfingar, prógramm, dagsskrá osfrv. . .  á að syngja meira en bara á aðfangadag?

 kv.

Tobbi

Berlínarferð 4 apríl 2008

Hér þurfa að koma fram upplýsingar um ferðina til Berlínar.  Ég mun setja inn upplýsingar þegar tími gefst.

 

Helgi Pálsson

2tenór

Smá athugasemdir....

Sælir félagar.  Ég skoða stundum þessa síðu okkar, karlakor.is.  Þar er aldrei nokkuð nýtt að sjá.  Er ekkert að gerast hjá kórnum?  Liðurinn "Dagsskrá" hefur verið óbreyttur frá því snemma í haust, félagatalið er óbreytt þrátt fyrir breytingar á mannskap, bloggið er dautt, það er eins og það sé deyfð yfir kórnum, vonandi er það hins vegar rangt.....   Ég hef setið á kanntinum í haust eins og menn vita og ætlaði mér að fylgjast með t.d. í gegnum bloggið og netið, það er bara ekki hægt, ekkert að sjá   Ég veit að það var sett Net-nefnd á laggirnar á aðalfundi sl. vor!

 Ég hef heyrt af ferðatillögu í vor, vantar frekari upplýsingar um þetta allt saman, hvert á að fara, afhverju, hvenær og hve lengi.  Kostnaður osfrv.......  Spurning hvort Bloggið sé vettvangur fyrir slíkar tilkynningar, spurning um að hafa slíkan lið einhversstaðar amk.

 Ég veit af áhuga amk einhverra kórmanna til að fá raddþjálfara fyrir kórinn, stendur það til?

 Annað, ég hlakka til að koma aftur og syngja með kórnum, ætla að reyna að syngja hátíðarmessur hér á Brautarholti um jól og áramót og koma ferskur til leiks á nýju ári.   Ég hvet menn til að láta í sér heyra á Blogginu, rífa svolítið kjaft eða segja skemmtisögur, hafa með einum eða öðrum hætti gaman af þessu öllu saman.

 Kv.  Tobbi